[♥ ترکی شعر ♥ ]

.......................... ................ ♥ ترکی شعر ♥
 
$$$$$$$$$$$$$$$$$$$$$$$$$$$$$ $$_________________________$$ $$_______$$$$$$$$$$________$$ $$_________$$$$$$__________$$ $$_________$$$$$$__________$$ $$_________$$$$$$__________$$ $$_________$$$$$$__________$$ $$_________$$$$$$__________$$ $$_________$$$$$$__________$$ $$_________$$$$$$__________$$ $$_________$$$$$$__________$$ $$_________$$$$$$__________$$ $$_______$$$$$$$$$$________$$ $$_________________________$$ $$_________________________$$ $$____$$$$$_______$$$$$____$$ $$__$$$$$$$$$___$$$$$$$$$__$$ $$_$$$$$$$$$$$_$$$$$$$$$$$_$$ $$_$$$$$$$$$$$$$$$$$$$$$$$_$$ $$__$$$$$$$$$$$$$$$$$$$$$__$$ $$____$$$$$$$$$$$$$$$$$____$$ $$______$$$$$$$$$$$$$______$$ $$________$$$$$$$$$________$$ $$_________$$$$$$$_________$$ $$__________$$$$$__________$$ $$___________$$$___________$$ $$____________$____________$$ $$_________________________$$ $$_________________________$$ $$_$$$$$$$$$_____$$$$$$$$$_$$ $$___$$$$$_________$$$$$___$$ $$___$$$$$_________$$$$$___$$ $$___$$$$$_________$$$$$___$$ $$___$$$$$_________$$$$$___$$ $$___$$$$$_________$$$$$___$$ $$___$$$$$_________$$$$$___$$ $$___$$$$$_________$$$$$___$$ $$___$$$$$$_______$$$$$$___$$ $$____$$$$$$_____$$$$$$____$$ $$______$$$$$$$$$$$$$______$$ $$________$$$$$$$$$________$$ $$_________________________$$ $$_________________________$$ $$$$$$$$$$$$$$$$$$$$$$$$$$$$$

   

اشعار ترکی - اذربایجان ماهنیلاری - تور اوغلان شعرلری

سوری
92/11/07 ساعت 19:39 | | اثر صاحبی : سعید طاهری آقبلاغ | ( )

فلکین قانلی الیندن بیر آتیلمیش یئره اندی
بیر فلاکت آنانین جان شیره سندن سودون امدی
بوللو نیسگیل شله سین چیگنینه آلتدی
تای توشوندان دالی قالدی
ساری گول مثلی سارالدی
گونو تک باغری قارالدی
درد الیندن زارا گلدی
گونو گوندن قارا گلدی
خان چوبان سیز سئله تاپشیرسین اوزون
یوردوموزا بیر سارا گلدی
بیر وفاسیز یار الیندن سانا گلمز یارا گلدی
بیر یازیق قیز جان الیندن جانا گلمز جانا گلدی
گئچه جکده "الموت" دامنه سیندن بورایا درمانا گلدی
بیر آدامسیز "سوری" آدلی الی باغلی دیلی باغلی !؟

سوری کیم دیر ؟
سورو بیر گولدی جهننمده بیتیبدیر
سورو بیر دامجی دی گوزدن آخاراق ئوزده ایتیبدیر
سورو یول یولچوسودور اگری ده یوخ ٫دوزده ایتیبدیر
سورو بیر مرثیه دیر اوخشایاراق سوزده ایتیبدیر
او کونول لرده کی ایتمیش دی ازلدن ادو گوزدن ده ایتبدیر
سوری بیر گوزلری باغلی اوزو داغلی سوزو داغلی
اولوب هاردان هارا باغلی !؟

بوشلایب دوغما دیارین اوموب البته یاریندان
ال ئوزوب هر نه واریندان
قورخمایب شهریمیزین قیشدا آمانسیز بورانیندان نه قاریندان
گزیر آواره تاپا یاندریجی دردینه چاره٫ تاپا بیلمیر
چوخ سئویر عشقی باشیندان آتا آمما٫ آتا بیلمیر
اوا باخ آوچی دالینجا قاچیر ! آمما چاتا بیلمیر
ایش دونوب لیلی توشوب چوللره مجنون سوراغیندا
شیرین الده تئشه داغ پارچالایر فرهاد اتورموش اوتاغیندا
تشنه لب قو نئجه گور جان وئری دریا قیراغیندا
وارلیغین سون اثری آز قالیر ایتسین یاناغیندا
سانکی بیر کوزدو بورونموش کوله وارلیق اوجاقیندا
کوزه ریر پیلته کیمین یاغ توکونیب دیر چراغیندا
بوی آتیر رنج چاغیندا قوجالیر گنج چاغیندا
بیر آدامسیز "سوری آدلی" الی باغلی دیلی باغلی !

سوری جان ! اومما فلکدن فلکین یوخدی وفاسی
نه قدر یوخدی وفاسی٫ او قدر چوخدی جفاسی
کوهنه رقاصه کیمین هر کسه بیر جوردی اداسی
او آیاقدان دوشه نی ایستر آیاقدان سالان اولسون
او تالانمیشلاری ایستر گونو گوندن تالان اولسون
او آتیلمیشلاری ایستر هامودان چوخ آتان اولسون
او ساتیلمیشلاری ایستر قول ائدرکن ساتان اولسون

نئیله مک قورقو بوجوردور
فلکین نظمی ازلدن اولوب اضدادیله باغلی
قاراسیز آغلار اولانمز
دره سیز داغلار اولانماز
اولوسوز ساغلار اولانماز
گره ک هر بیر گوزه له بیر دنه چیر کین ده یارانسین
بیری انسین یئره گویدن بیری عرشه اوجالانسین



:: برچسب‌ لر: سوری, تورکی شعر
قلم
92/09/20 ساعت 23:45 | | اثر صاحبی : سعید طاهری آقبلاغ | ( )

طبع گلمیر  اورگین  قانی آخیر  دفتریمه

دایانیب ایندی قلم غملی باخیر دفتریمه

 

باشا دوشمور نه یازیر .هاردا گوروب کلمه لری ؟

هرنه قدری   چالیشیر  غصّه  یاخیر   دفتریمه 

 

 صید اولموش فره لر تک  قفسیمدن  دینیرم

گوئیا  صید  ائدن لرده    یانیر  دفتریمه

 

یازیرام هرنه  اورگ منله دئییر کلمه لری

گر چی آرامیشین هر لحظه ساتیر دفتریمه

  

لوح و تندیس منیم  شأنیمه گلمیر  نه دئمک

بو هیاهوده   گؤزوم  یاشی  چاتیر  دفتریمه

شاعر : سلمان عبدی زاده



:: برچسب‌ لر: قلم, ترکی شعر, www, saeedaraz19, ir
آهنگ ابراهیم تاتلس برای شهریار و تبریز
92/06/02 ساعت 1:52 | | اثر صاحبی : سعید طاهری آقبلاغ | ( )
آهنگ ابراهیم تاتلس برای شهریار و تبریز .

http://www.up.piratep.com/download6955.html



:: برچسب‌ لر: www, saeedaraz19, ir, آهنگ ابراهیم تاتلس برای شهریار و تبریز, اهنگ ابراهیم تاتلس در وصف شهریار و تبریز
آنا یوردوم ، آذربایجان
92/05/31 ساعت 13:58 | | اثر صاحبی : سعید طاهری آقبلاغ | ( )

بیر اوشاغام، آنام ســـن ســــن 

خسته اولسام، داوام سن سن 

آغاج اولسام،هاوام ســــن سن 

اورک ائــــویم سنســـیز تــــالان 

آنا یوردوم، آذربایجان 

                         


:: ادامه مطلب
:: برچسب‌ لر: www, saeedaraz19, ir, آنا یوردوم, آذربایجان
شعر ناب ايستور كونول
92/05/31 ساعت 13:54 | | اثر صاحبی : سعید طاهری آقبلاغ | ( )

باغلیدور میخــانه لر مندن شراب ایستـــور کونول

 

چوکــدی ظلمت هر طرفدن ماهتاب ایستــور کونول

 

اوت دا یانماخ درسینــــی پروانه لــــردن آلمــیشام

 

امتحان ایــــــلور منی هر دم جواب ایستور کونول

 

اوت دوتوب عشقونـــــده هردم ذره ذره یــانمیشام

 

ایندی خاموش اتمه گه بیر قطره آب ایستور کونول

 

بو آچیخ دنیـــــــا منه زندان تار و تنـــــگ اولــوب

 

ماجراسیــــن یازماغا لوح و کتاب ایستور کـــونول

 

بس کی چوخ گزدیم دولاندیم روح و جاندان خسته یم

 

غمدن آزاد اولمــــاقا بیر لحظه خواب ایستور کونول

 

ایستیــــــور غمدن جفـــادن یا کی هجران نان یازام

 

دوشمه گه دریای عشقه چوخ شتاب ایستور کونول

 

یاگرک ترک ایلیم معشوقه نی یاجان ومالیمدن گئچم

 

بیـــــــر یامان اوضاعده منن انتخاب ایستــــور کونول

 

دوشمییر صحرایه هرکس تا کــــــه مجنون اولماسا

 

صادقــــــــا غملی اورکـــدن انقلاب ایستـــور کونول

 

دردیمین درمــــــانی سنسن بیرده بیر زیبا غزل

 

چوخ غزللریازمیشام بیر شعرناب ایستورکونول

 

چوخ جفا چکــــــدیم فراقونده منه یار اولمادون

 

آفتـــــــابه پرده چکـــــدون آفتاب ایستور کونول



:: مرتبط موضولار : کونلوم
:: برچسب‌ لر: www, saeedaraz19, ir, شعر ناب ايستور كونول
«آيريليق»
92/05/26 ساعت 17:39 | | اثر صاحبی : سعید طاهری آقبلاغ | ( )

 

نازلي يار عشق اودونا بيرده آليشديم

يئنه جانان لا كوسوب قم له باريشديم

بيرده او دورنا گؤزون گؤرمگينه جانلا چاليشديم

يئنه ده قان لا قاريشديم


:: ادامه مطلب
:: برچسب‌ لر: www, saeedaraz19, ir, نازلي يار عشق اودونا بيرده آليشديم
فرهاد کیمی
92/04/18 ساعت 16:23 | | اثر صاحبی : سعید طاهری آقبلاغ | ( )
دییسن فرهاد اولوم سنن اوتور داغلار آچیم
یادا کی سنن اوتور حلاج اولوم داردا قالیم
یادا مجنون تکی دیوانه اولوم چولده قالیم
یا زلیخا من اولوم سنده کی یوسف قوجالینجاخ سنین آرخاندا قاچیم
یا سارای تک،سوزولن آرپا چایینان باج آلیم
یا اوزوم تک سنه خاطر اوزومی داردان آسیم



:: برچسب‌ لر: www, saeedaraz19, ir, فرهاد کیمی, فرهاد و شیرین
آغلار
92/04/01 ساعت 2:26 | | اثر صاحبی : سعید طاهری آقبلاغ | ( )


بیچاره گوزوم هرگجه سن سیز باخار آغلار

قان یاشیله اولدوزلاری بیر بیر سایار آغلار

سن آیریلیقی خوشلادون اما گجه گوندوز

دفترده قلم شرح فراقون یازار آغلار



:: برچسب‌ لر: saeedaraz19, ir, آغلار
حاکم عادل
92/03/23 ساعت 15:33 | | اثر صاحبی : سعید طاهری آقبلاغ | ( )

اولا بیر حاکم عادل یی غا دیوانه لری

آچا زنجیر جفادان بوتون دیوانه لری

سالا جارچی بازارا آی سوون آلسین سوونی

اوندا قورخوم بودوکی هامی سووء من سوونی

نجه آواره گزیم گوشه میخانه لری

اوزومه همدم ادیم می دولی پیمانه لری

بیلیرم می ده منیمدردیمه درمان المز

اونی آلوده گورنده دلی دیوانه لری



:: برچسب‌ لر: saeedaraz19, ir, حاکم عادل
گلمدون
92/03/23 ساعت 15:26 | | اثر صاحبی : سعید طاهری آقبلاغ | ( )

بيرقوجاق گول باغلاديم گؤز يولدا قالديم گلمدین

‎عطريوي گاه درديييم گوللردن آلديم گلمدین

سن يوباندين انتظاردان سولدو بير بير گوللريم

تئز سولان گوللر كيمى سولدوم، سارالديم گلمدین

‎باغريما باسديم سازئ سنسيز دونن آخشام چاغئ

آغلاييب بيرآيريليق آهنگ چالديم گلمدین.



:: برچسب‌ لر: saeedaraz19, ir, گلمدون
ساقی
92/03/23 ساعت 15:19 | | اثر صاحبی : سعید طاهری آقبلاغ | ( )


ندن ساقی صفا اهلی غم دنیادن آیریلماز؟ 

گتیر دولدور گینه جامی بالیخ دریادن آیریلماز

غنیمتدیر بو دم ساقی گتیر دولدور گنه جامی

جهاندا رسمدور عاشق می و مینادن آیریلماز



:: برچسب‌ لر: saeedaraz19, ir, ساقی
پروانه
92/03/23 ساعت 15:19 | | اثر صاحبی : سعید طاهری آقبلاغ | ( )

گئدیرم اؤزگه یارین شمعینه پروانه اولام
سئوگیمه لاییق اولان دیلبره دیوانه اولام
بیلمه دین قدریمی سن ، چوخلی منه ظولم ائله دین
گئدیرم ای داش اورک من سنه بیگانه اولام
عاقیلیدیم سنین عشقینده بئله من دلی اولدوم
یوخدی ایمکان کی دؤنوب بیر داحا فرزانه اولام
ایندی کی اوز چؤووروب طالع فرزانه لیغیم
گئدیرم من می ایچم ساکین میخانه اولام
منه لیلا گرک اولسون ، نه گوزل سئوملی یار
گئدیرم مجنونا تای عشقیده افسانه اولام
دئمه دیم بونلاری تا سن منه دوشمن اولاسان
بولگونن ایستییرم من کیمه جانانه اولام



:: برچسب‌ لر: saeedaraz19, ir, پروانه کیمی
گوزلرین
92/03/23 ساعت 15:11 | | اثر صاحبی : سعید طاهری آقبلاغ | ( )


گوزلـرون آخ نه گوزلديـر ، نه گوزل ، آي پاراسي

اوزی بیر دونیا بویاغ دیرگوزوون آغ ـ قـاراسي

بو نـه گوزياشدي كي طوفانلي ائديب گوزلرووي

جـانيمـا دوشسـون اگر گوزلـروون وار قاداسي

دامجـي دامجـي ييقيليـر خيردا گوزه ، من نه دئيم

دنـيـزه بـنـزيـيــر آمـا ايـكـي كيپـريـك آراسي

ائلـه اولـدوز كيمـي گوزيـاشي يئره توكمه گوزل

ائلـه اولـدوزلارا ديـمـز گونـشـيـن گوشواراسي

آغلامـا ، بيـر بئلـه گوزيـاش ائله مه ، آرخایین اول

قويمارام سئل لره دوشسون گئنه ده ائل ساراسي



:: برچسب‌ لر: saeedaraz19, ir, گوزلرین
گجلر 3
92/03/23 ساعت 15:9 | | اثر صاحبی : سعید طاهری آقبلاغ | ( )


یئنه غمخانه كيمين دير منه دونيا گئجه لر

سن كي يوخسان گؤره سن گؤزلري دريا گئجه لر

بير قارانلیق كوچه دير ، بير باجادير ، بيرده منم

كيم بيله ر درديميزي همشه، يلدا گئجه لر

گؤزليم گؤزلریني اولدوز ائله گؤزلريمه

بلكه اولسون يوخومون كابوسي ، رؤيا گئجه لر

سن گئدندن سورا بير بوغضدي ساليب درده مني

گوزياشيمدان ائله ديم دردي مداوا گئجه لر

اوره ك اولدي پارالي ، گؤزلريم اولدي يارالي

يارادا هريارايا ائتدي مدارا گئجه لر

من پلنگ لر كيمينيديم آيين اون دورد گئجه سي

آيي اوخشاتدي سنه ائتدي تماشا گئجه لر

سئوگي نين معناسيني گئزمه اوره کلرده کي من

ائتميشم صبحه قدر سئوگيني معنا گئجه لر



:: برچسب‌ لر: saeedaraz19, ir, گجلر شعری
ایتیرمیشم
92/03/23 ساعت 15:6 | | اثر صاحبی : سعید طاهری آقبلاغ | ( )


اوزوک کیمی ایتیرمیشم قاشیمی

تاپانميرام وفالي يولداشيمي

بولود قويور باشيني داغ چينينه

من قارا گون هارا قويوم باشيمي

ايسته ميرم ياريم گوروب اينجي يه

گيزله ديرم گوزومده گوزياشيمي

باشماق كيمين زيوار سيزام حيف اولا

تاپانميرام درديمه كفاشيمي

نقاش اولوب خيالينده چكيردير

اول دوداغ ، سونرادا گوز ـ  قاشيمي

رنگي قوتولدي بوشلادي طرحيمي

گورمه ديم اوندان سورا نقاشيمي

مسافر اولدوم حيف اولا تانيش يوخ

ايق داليمدا پيشيره آشيمي



:: برچسب‌ لر: saeedaraz19, ir, ایتیرمیشم یاریمی
شاعر
92/03/23 ساعت 15:0 | | اثر صاحبی : سعید طاهری آقبلاغ | ( )


الینده تار دوتار شاعیر

چالار نیسگیللی تار شاعیر

اونودماز الکه نین خلقیق

آییق گوزنن یاتار شاعیر

باخار گوزگی لره سونرا

سوروشار قان باتار شاعیر؟

اگر غم غصه لر قویسا

اوزاقلاره چاتار شاعیر

اوتای یوخدور ، بو تای یوخدور

سیلر مرزی - قاتار شاعیر

گئدیب گلمک ایچون شعردن

دوزلدر بیر قاطار شاعیر



:: برچسب‌ لر: saeedaraz19, ir, شاعر ترک
معذرت چیلیه
92/02/05 ساعت 0:56 | | اثر صاحبی : سعید طاهری آقبلاغ | ( )
سلام عزیز دوسلاریم منی باغیشلارسوز من بیر ای یوخام ایجازوزینان درسه باخیم امتحانات قاباقیدی منده بیل ایشالا دیپلوم الیرام گله چوخ باخام بیراز اگر تازه مطلب قویماسام باغیشلارسوز             بای فعلا تا اخر خرداد ایشالا تازه شعر لرینن خیت متوزدیام


اورگیم گان اولدی گل
91/12/28 ساعت 1:38 | | اثر صاحبی : سعید طاهری آقبلاغ | ( )

فرقتـــوندن یــانــدی باغــریم اوره گیــم قــان اولدی گل                              

                               گـــل کــی رخســارون بـو مرده جسمه جان اولدی گل

دونیــــانیـــن نـــاز و نعیمـــی، بـــاغ و بستـــانی منـــه                              

                               سنسیـــز ای ســولطان خوبــان بند و زندان اولدی گل

ایستـــدی لعلیــن فــراقــی جـــانیمــی یـاخمــاق ولی                              

                               شوقـــه یانمیــش جــانه لعلیــن آب حـیوان اولـدی گل

اول کونــول کــی دایــمن ایشــی سنــونله وصـل ایدی                              

                               یـــانـــدی شــوقـــونــدان اسیــر درد هجـران اولـدی گل

جانیمیـــن جـــانی وصـــالینـــدور وصـــالـــونــدان اونی                              

                               تــا کــی اییـــردی فلـــک بیچـــاره بیجـــان اولــدی گــل

عـاشقیــن بــاغ و گـــولستــانــی اوزون گلـــزاریـــدیــــر                              

                               هانسی گولزارین گولی گول سوز گولیستان اولدی گل

جنتیـــن صحنیـنـــده طــوبـــی والـــه و حیــران و مست                              

                               قـــامتــون حسنــونــده ای ســـرو خــرامـــان اولدی گل

تـــا منـــی تقــدیـــر یـــزدان ایـــلــه دی سنـــدن جـــدا                              

                               کــونـلومون حـــالـــی پــریشــان دیـده گریان اولدی گل

معجــزاتــــوندان یــانــاغــون، محکمـــاتوندان ساچــون                              

                               خـــار و خـــاشــاکی جهانیــن ورد و ریحــان اولـدی گل

بحر بی پایانه شوقـون جـــانیمـــی غــــرق ایلــــه دی                              

                               گـــؤر نـــه بیـــداد ایله دی هجرون نه طوفان اولدی گل

بو نسیمـــی سنـــدن آیــری بیلــدیگیـم یوخدور وجود                              

                               درد و درمان، وصل و هجران، جمله یکسان اولدی گل



:: برچسب‌ لر: اورگیم گان اولدی گل
گــؤرسه
91/12/28 ساعت 1:31 | | اثر صاحبی : سعید طاهری آقبلاغ | ( )


افسـانه ســانار کــؤنلوم اول  جانانه نی  گــؤرسه                              

                               حقـدن گئچر اول کس کی بو افسانه نی  گؤرسه

ایمـــان گتیـــــرر مذهب عشّــــــاقـــه، یقیــن دیر!                              

                               هر کیـــم کی یانان شمعیده  پروانه نی  گــؤرسه

عــــاقل  دؤنـه ­راخ  من تکی  مستانه­ لیق  ایله ­ر                              

                               بیــر لحظه چونوب سَرسَری  میخانه نی  گؤرسه

دنیــــا سر ِ کـــویینده  گلیـــب  بنده­ لیق  ایلـــه­ ر                              

                               ماهیمـده کی اول خصلت شـــاهانه نی گـــؤرسه

روحیــــم  دیـــریله ­ر  طرّه ی  جـــانانی گــــؤرنــده                              

                               مِی شوقه  گله ­ر  ساقی نی  پیمانه نی گؤرسه

هر گــون گتیریب غم توزون ای جـان سپه جاقدیر                              

                               سینَمـدکــی هـــر یئل گله  ویرانـــــه نی  گؤرسه

من یاریمه مست اولموشام ای سـاقی گتیـــرمه!                              

                               می مست اولاجاق من تکی مستانه نی گؤرسه

غمخـواره ­لیق ائتمه ­ز  داها بیر  لحظه ­ده  وامـق!                              

                               اول شــوخ خطا دیــــده بــو دیوانــــــه نی گـؤرسه



:: برچسب‌ لر: گــؤرسه
گیدئین
91/12/24 ساعت 18:37 | | اثر صاحبی : سعید طاهری آقبلاغ | ( )

سن كي گئتدين ياسا باتديم


داها خوش گونله ري آتديم


اگنيمين گوللو بياض كوينه گيني تئزلي چيخاتديم


قارا كؤينك له دؤنؤب قيبله يه ياتديم...


ياديما دؤشدؤ او گونلر كي سن ايلن دانيشيرديق


اليميز بوش/ديليميز بوش



:: ادامه مطلب
:: برچسب‌ لر: گیدئین
گیئدی
91/12/24 ساعت 18:31 | | اثر صاحبی : سعید طاهری آقبلاغ | ( )

يئنه او نازلي نيگار كونلومي خوار ائيله دي گئتدي


مني آواره قويوب دونيامي دار ائيله دي گئتدي


ياندي پروانه كيمي قول قاناتيم دردين اليندن


گئجه گوندوز ايشيمي آه ايله زار ائيله دي گئتدي


بوغولان سينه مي ائتدي منه ويرانه ي عالم


او وفاسيز مني غم خانه يه يار ائيله دي گئتدي


دلي كونلوم اؤزونو وئردي نيشان يار ائده چاره


جانيمي اوخلا ووروب بيرده شيكار ائيله دي گئتدي


سوچومو سؤيله مه دن باخمادي آغلار گؤزومه


منه سوسقون باخيب او-ترك ديار ائيله دي گئتدي


قالاييب كؤزله ري سينه مده اوجاقلار قوروب اوردا


اودلاري شوعله چكيب بيرده شرار ائيله دي گئتدي


ساچينين عطري ايله سرخوشودوم هر نفسيمده


مني وورغون بوراخيب مست و خومار ائيله دي گئتدي


گيزليجه عهد ائله ديك سئوداميزي بيلمه يه بير كس


ندن او عهديميزي دونيايا جار ائيله دي گئتدي؟!


مني ديوانه سانيب چؤللره سالديردي بو جاني


بوشلادي عاشيقيني نقض قرار ائيله دي گئتدي


"قارا سئودام - دلي كؤنلوم هئچ اوره ك باغلاما آرتيق


گؤر نئجه دونيا سني اهل مزار ائيله دي گئتدي..."



:: برچسب‌ لر: گیئدی
بیلمدین
91/12/21 ساعت 16:10 | | اثر صاحبی : سعید طاهری آقبلاغ | ( )

بيرگئجه غمدن آلیشدیم سنده بیلدین؟ .بیلمه دین

اود.دوتوب یاندیم .چالیشدیم سنده بیلدین؟ بیلمه دین

بیرده لی آشیق سازیندا سئزلیان بیر تئل کیمین

اودلانیب.قوپدوم قاریشدیم سنده بیلدین ؟بیلمه دین {۱}

گؤرنه حالدايديم کی.سؤكدوم پرده اسراريم

تك سنه آشديم .دانيشديم سنده بيلدين؟‌بيلمه دين

بيراوشاق تك عالم رؤياده سندن  صوبحه تك

اويناديم. كؤسدوم. باريشديم سنده بيلدين؟بيلمه دين

قلب ائويوندن ايسته ديم شهلا گؤزوندن بير اوپم

بوي نووا قول تك ساريشديم سنده بيلدين ؟بيلمه دين

من بيليرد يم ياند يرارسان عشق اؤتوندا سن مني

ائوز جانيملا من ساليشديم سنده بيلدين؟ بيلمه دين

 ۱ .توركه مثلدي ديللر :دينديرمه  سيملريم  قاريشيب



:: برچسب‌ لر: بیلمدین, هوشنگ جعفری
اولدوز
91/12/20 ساعت 23:48 | | اثر صاحبی : سعید طاهری آقبلاغ | ( )

اولدوز ساياراق گوزله ميشم هر گئجه ياری

گج گلمه ده دير يار يئنه اولموش گئجه ياری

 

گؤزلر آسيلی يوخ نه قارالتی نه ده بير سس

باتميش گولاغيم گؤرنه دؤشور مکده دی داری

 

بير قوش آييغام! سويليه رک گاهدان اييلده ر

گاهدان اونودا يئل دئیه لای-لای هوش آپاری

 

ياتميش هامی بير آللاه اوياقدير داها بير من

مندن آشاغی کيمسه يوخ اوندان دا يوخاری

 

قورخوم بودی يار گلمه يه بيردن ياريلا صبح

باغريم ياريلار صبحوم آچيلما سنی تاری!

 

دان اولدوزی ايسته ر چيخا گؤز يالواری چيخما

او چيخماسادا اولدوزومون يوخدی چيخاری

 

گلمز تانيرام بختيمی ايندی آغارار صبح

قاش بيله آغارديقجا داها باش دا آغاری

 

عشقين کی قراريندا وفا اولمياجاقميش

بيلمم کی طبيعت نيه قويموش بو قراری؟

 

سانکی خوروزون سون بانی خنجردی سوخولدی

سينه مده أورک وارسا کسيب قیردی داماری

 

ريشخندله قيرجاندی سحر سويله دی: دورما

جان قورخوسی وار عشقين اوتوزدون بو قماری

 

اولدوم قره گون آيريلالی او ساری تئلدن

بونجا قره گونلردی ایدن رنگيمی ساری

 

گؤز ياشلاری هر يئردن آخارسا منی توشلار

دريايه باخار بللی دی چايلارين آخاری

 

از بس منی ياپراق کيمی هيجرانلا سارالديب

باخسان اوزونه سانکی قيزيل گولدی قيزاری

 

محراب شفقده ئوزومی سجده ده گؤردوم

قان ايچره غميم يوخ اوزوم اولسون سنه ساری

 

عشقی واريدی شهريارين گللی- چيچکلی

افسوس قارا يل اسدی خزان اولدی بهاری



:: برچسب‌ لر: اولدوز
قانلی گوز
91/12/10 ساعت 10:35 | | اثر صاحبی : سعید طاهری آقبلاغ | ( )

ائله دولدی گوزومه آیریلیغین غم قانی

قورخورام آغلیام آخ قان گوتوره هر یانی

بئله باخما گوزومه خیردادی آمما دئمه لی

بیر بولاغ دیر کی اوزونده یئر ائدیب دریانی

ائله تئز تئز اوره ییم سینه ده چیرپیر دیه سن

ایسته ییر تیتره ده سینمده اورک دونیانی

یئر - گوی آغز آچدی دئدی گلمه موغانه ساری

خان چوپان آغلا کی سئللر آپاریب سارانی



:: برچسب‌ لر: قانلی گوز
گجلر
91/12/10 ساعت 10:33 | | اثر صاحبی : سعید طاهری آقبلاغ | ( )


یئنه غمخانه كيمين دير منه دونيا گئجه لر

سن كي يوخسان گؤره سن گؤزلري دريا گئجه لر

بير قارانلیق كوچه دير ، بير باجادير ، بيرده منم

كيم بيله ر درديميزي همشه، يلدا گئجه لر

گؤزليم گؤزلریني اولدوز ائله گؤزلريمه

بلكه اولسون يوخومون كابوسي ، رؤيا گئجه لر

سن گئدندن سورا بير بوغضدي ساليب درده مني

گوزياشيمدان ائله ديم دردي مداوا گئجه لر

اوره ك اولدي پارالي ، گؤزلريم اولدي يارالي

يارادا هريارايا ائتدي مدارا گئجه لر

من پلنگ لر كيمينيديم آيين اون دورد گئجه سي

آيي اوخشاتدي سنه ائتدي تماشا گئجه لر

سئوگي نين معناسيني گئزمه اوره کلرده کي من

ائتميشم صبحه قدر سئوگيني معنا گئجه لر



:: برچسب‌ لر: گجلر
تبریز جوانی
91/11/05 ساعت 15:59 | | اثر صاحبی : سعید طاهری آقبلاغ | ( )

پیــر سیـز منطـق ده عـرفان دا جـوان تبــریزلی لر

 پیــرو قــرآن و دیــن ســیز ، قهــرمان تبـــریزلی لـر

  

                                     آتـــروپاتیــن غیــرت و فهــم و ثبــوتی سیـزده دیر

                                   مغـز باشدا ، قـان دامـاردا ، تـاکـی قدرت دیـزده دیر 

                                  علم و ایمـان ، عشق و عرفان ، حرز جان تبریزده  دیر

                                 عالمـین بـوش جسمـینه بـاخ اولـدو جـان تبــریزلی لر 

 

عالــم امـکان اگــر جسـم اولسـا ؛ تبــریز جانــی دیـر                       

اینـــدی دونیـاده علـم ؛ غیـرت ده سـتاّرخـانــی دیـر                        

 باقــر  و  شیــخ محمّـــد  دیـللــرین  دســتانی دیـر                     

تیــر اولـوب ؛ دوشمن لری ائتـدی کمـان  تبــریزلی لر      

 

                           


:: ادامه مطلب
:: برچسب‌ لر: تبریز جوانی
نظردن ......
91/10/22 ساعت 14:10 | | اثر صاحبی : سعید طاهری آقبلاغ | ( )

دوزدور  یانیــــرام  اود تکــی  هجـرینــده  کــدَردن                              

                               تانــریم سنی کاش ساخلیا هـر لحظه خطــردن!

اطرافینــه هر گـــون  گؤزه ­لیم، گــزدیر  اوزه ­رریک                              

                               حفـــظ ائیلیــه اول زلــــــف پریشــــانی نظــــردن

اولسون گؤزون اوستونده منیم نازیمین ای گول!                              

                               نازیــک سن آخـی - کار اُولا شیطانی - کمـــردن

بلبــل تکــی آوازیـــــم اگـــــر  گلمه سه  غمــدن                              

                               سن سیز  بُوغـازیم بیلکی توتولموشدو  قهـَردن

سندن سُورا ای غنچـــه دوداق، ایمکانیـم اولماز                              

                               سیمــــای ملک  گؤرسه­ نه  بیــر  باشقا بشردن

مندن گــؤزه لیــم خـــاطرین اولماز یقین اینجیـح                              

                               الله دیـــر اکیب عشقی بـــو کؤنلومــده بئجَــردن

ایسترسن اگـــــر گــــؤرمیه سن غیریلـــه وامق!                              

                               یا گئت توت الینــدن داهــا یا  گئت بــو شهَــردن



:: برچسب‌ لر: نظردن
اذن ور صحبت ادیم
91/10/22 ساعت 13:54 | | اثر صاحبی : سعید طاهری آقبلاغ | ( )

اذن وئر تــــوی گئـــــجه ســی من ده سنه دایه گلیم

ال قاتانـــدا ســــــنه مشــــــــاطه تماشـــــایه گلــــیم

سن بو مهتاب گئجه سـی سیره چیخان بیر سرو اول

اذن وئر من ده دالونـــــــجا سورونـــــوب ســـایه گلیم

منه ده باخدیـن او شهــــلا گـــــوزوله من قـــــارا گون

جراتیم اولمــــــادی بیر کلمــــــه تمنـــــــایه گلـــــــیم

من جهنـــــمده ده باش یاســــــدیقا قویســام سنیله

هئچ آییلمــــام کـــــی دوروب جنت مــــاوایه گلــــیم

ننه قارنـــیندا دا سنـــــله اکیــــــز اولســــــایدیم اگر

ایسته مزدیم دوغولوب بیـــــر ده بو دونیـــــایه گلیم

سن یاتیب جنتی رویاده گورنـــــــده گئــــــجه لــــــر

منده جنتده قـــوش اوللام کی او رویـــــایه گلــــــیم

قیتلیغ ایللر یاغیــــشی تک قورویوب گوز یاشیـــمیز

کوی عشقونده گــــــــرک بیــــــرده مصـــــلایه گلیم

سنده صحرایه مارال لار کیمی بیر چیخ نولـــی کی

منده بیر صیده چیخانلار کیـــمی صحــــرایه گلیـــــم

آلــــلاهوندان سن اگر قوخمــــیوب اولســـان ترسا

قورخـــــورام منـــــده دؤنــــوب دین مسیحایه گلیم

شیخ صنعان کیمی دونقـــــوز اوتــــــــاریب ایللرجه

سنی بیر گورمک ایچــون معبـــــد ترســــــایه گلیم

یوخ صنم! آنــــــــلامادیم، آنلامادیــــــم حاشـــــا من

بوراخیم مسجدیــــــمی سنـــــــله کلیسایه گلیم!

گل چیخاق طور تجلایه ســـــن اول جلــــــوه طور

منده موســــی کیمـــــــی او طـــوره تجلایه گلیم

شیردیر((شهریار))ین شـــــعری الیـنده شمشیر

کیم دیئر من بئله بیر شیـــــریله دعوایــــه گلیم!؟



:: برچسب‌ لر: اذن ور صحبت ادیم
دلخوش
91/10/22 ساعت 13:46 | | اثر صاحبی : سعید طاهری آقبلاغ | ( )

بير عومردور كي خلوت جانانه دلخوشا م

ياريله صحبت ايتماقا زندانه دلخوشا م

من بو فراغت عالمين ايلرديم ارزو

ايندي اولوب نصيب بو احسانه دلخوشام



:: برچسب‌ لر: دلخوش
کونول
91/10/20 ساعت 17:41 | | اثر صاحبی : سعید طاهری آقبلاغ | ( )
دیل بیلن سوز آنلایان بیر نازلی یار ایستر کونول

لاله‌دن، گول‌دن گوزه‌ل بیر نوبهار ایستر کونول

اعتبارین گورمه‌ینجه سئومه‌رم بیر دیلبری

نازنین مهپاره‌لردن اعتبار ایستر کونول

هر قارا زولفون اسیری اولمارام بوندان سورا

ایندی عالم اوزگه‌دیر، خوش روزگار ایستر کونول

اوینایوب، گولمه‌ک، دانیشماق، عیش و نوش ایامیدیر

بولبول شیدا کیمی مین لاله‌زار ایستر کونول

هر طرف گول‌دیر، چیچک‌دیر بئیله آزاد ئولکه‌میز

دائم اوز خوشبخت خلقین بختیار ایستیر کونول

بیز سووه‌ت خلقین حقیقتله سئوون عاشق‌لریک

خائنی، ادنانی یوردومدان کنار ایستر کونول!

بختور، واحد، او کس‌لر دیر بو خوش عالمده‌دیر

هر زمان بو شن حیاتی پایدار ایستر کونول



:: برچسب‌ لر: کونول


............................ .............................