امام رضا

مشکلدیم ای خسرو خوبان مدد ایله

ای دردلره درمان منه بیر ان مدد ایله

گلمور قلمیم یازماقا چون شانوه چاتماز

وصف ایلماقا یوخدی کی امکان مدد ایله

دریای غمون ساحلینه کیمسه چاتانماز

گر گتسه بو جور گردش دوران مدد ایله

ای رحم ایلین اهوییه صیادین الینده

گلمیش قاپوا  بنده نالان مدد ایله

ایکاش سر کویوه من بیر قوش اولییدیم

صدقیله دییدوم  سنه قربان مدد ایله

گلدسته لرون نور سپور عرشیله فرشه

ظلمت اورگیم ایله چراغان مدد ایله

سن سن ره حقون اقاجان شرط و شروطی

گل   شرطیمیزی ایله چوخ اسان مدد ایله

عالم دولانور باشیوه آیا نه غریب سن

عشق عالمینه یوسف کنعان مدد ایله

کاش قسمت اولا جام وصالون منه هرگون

مست ایلیه بو جانیمی جانان مدد ایله

هر چند کی قابل دگولم لطفوه اما

گل باشیمین اوسته چیخا تا جان مدد ایله

شاعر

 

وارلیقدا بوتون وار یوخوموز شعر و غزلدی

هر بیر غزلیم ائللر آرا تورکه مثلدی

من طاهریم.يم سؤز یازارام تورکو دیلینده

تورکون بالاسی تورک اولا عالمده گؤزلدی

ئوزگه دیله یازمارام

ئوزگه دیله یازمارام

 

نازلی شیرین دیل واریم ، ئوزگه دیله یازمارام

 
                                                                              دوغراسالاردا منی اُوز دیلیمی آتمارام
 

جنتی وئرسز منه ، دونیانی ساتساز منه

 
                                                                           من آنامین ناز دیلین باشقا دیله ساتمارام
 

شهریاریم دوز دییب قاتما دیلین دیللره

 
                                                                         من بو گوزل تورک دیلین آیری دیله قاتمارام
 

باخ بو دیلین سایه سی ، گزدی آدیم دیللره

 
                                                                         اولماسا گر بو دیلیم هئچ یئره من چاتمارام
 

اوندا کی من اولموشم قورلایین اوز یوردوما

 
                                                                           چون بودور عادت منیم ئوزگه یئره یاتمارام
 

قبریمین اوستونده سیز تورکی بو شعری یازین

 
                                                                           اوز دیلیمی آتمارام ، باشقا دیله ساتمارام

اذربایجان

آذربايجان سن سن منيم                     هوريتيم شان شوهرتيم

آدين منيم اوز آديمدير                          سنسيز منيم نه قيمتيم

آذربايجان  آذربايجان                            ياشا ياشا آذربايجان

نفسيميز بابکلرين                              صابير لرين اويان سسي

ماهنيلاردا ياشار بيزيم                        بابالارين آياق سئسي

آذربايجان  آذربايجان                            ياشا ياشا آذربايجان

بيز تاريخه سيغينماديق                        دونن وارديق بوگون وارديق

بيز دوسلوغا گوونه ره ک                           گلجيه آدليملاريق

آذربايجان  آذربايجان                           ياشا ياشا آذربايجان

بلبل عاشیق

من ده بير بولبولودوم چوخ وارايدي گول هوسيم

گولون عشقينده چاتاردي منيم افلاكه سسيم

بس كي فرياد ائله ييب عشقيمي اظهار ائله ديم

ليك گوللرده وفا گؤرمه ديم، اؤلدو هوسيم

چيغيريب سالديم هاراي، داديما بلكه يئته لر

نه سسه سس وئرن اولدو، نه ده فرياد رسيم

ائله ديم بسكي فغان، خسته دوشركن يورغون

ايندي ده واردي هله، تنگه دوشوبدور نفسيم

او بوداقلارداكي آزاد، اوخويارديم گول اوچون

نه بيلئيديم اولاجاقدير منيم آخر قفسيم

بولبوله ناله دي قسمت، گوله گولمك، نه دئييم

بو نصيبه، بو پايا قسمته كيم اولدو قسيم

دولانارديم باشينا اؤز گولومون، تيتررديم

اسمه سين، راضي اولارديم يئل اسنده من اسيم

ييغيشيب سينه مه غملر قالانيب بير داغ اولوب

عؤمرومون آخيري بو غم شله سي بسدي، بسيم

دولدو پرونده عشقيم غم ايله باغلاندي

چوخ شكايت ائله ديم اولمادي بير دادرسيم

ايندي من سانكي قوشام كنج قفسده، سيخيليب

نه قاناد واردي اوچام، وار نه يووام كي تلسيم

مني ده بو قفسه سالديرانيم اولدو هوس

اودو فرياد ائدريم آي سنه لعنت هوسيم

يالقيزام، يوخدو اوره كدن گر اؤلم آغلايانيم

عالم عشقده تك جان وئره رم يوخدو كسيم

المیش یار هوسی

آلمیشام من سینم اوسته سازی تار ایله میشم

من بو گونلر هوس یار و نگار  ایله میشم

یاریمین مکتبی لاپ لیلی ومجنون کیمی دیر

منده فرهاد کیمین داغدا  قرار ایله میشم

بوراخیب هرزادی گئتدیم هله لیک میخانادا

مئی ایچیب دوسلارینان دوشمانی خوار ایته میشم

هامی ( آغیار )داغینین گوللرینه ناز ائله ییر

منده گیل لیک لری اوداغدا انار ایله میشم

چیخمیشام گور نئجه من خانقاهین داغلارینا

اوردا کهلیک اوتونی چایلا نوبار ایله میشم

سنگ کلیه م نئجه تسکین تاپیب ایندی منیم

قوجالیق وقتی  قیشی یاخشی  بهار ایله میشم

اچدیگیم آب شفا داغدا منی مست اایله یب

اودوگیل لیک لری من اوردا انار ایله میشم

گوروره م آ غیارین اوستونده قزیل ساچلی گونش

گولور آغیارلی دئیر یاری خمار ایله میشم

یار گدیشی

فرياده    گلين   نازلي   نگاريم   گئدير  الدن            همد م  اولوب  اغياريله  ياريم گئدير  الدن

رفتاري گوزل نطقي گوزل باخماسي گويچک            آهو  کيمي  باخديقجا  قراريم  گئدير   الدن

حسرتله   قالار   گوزلريم    آخير   دالئسيجا            هجران يئلي اسديکجه  بهاريم   گئدير الدن

ناز  ايله سه   نازين  چکرم  ئول  ديسه  ئوللم           يوخ چاره يولوم شعر و شعاريم گئدير الدن

آواره   قالان   من  غم   عشقينده   يانان  من           آخير  نه   دييوم   دار و  نداريم گئدير الدن

زلفين  توکوب  اطرافه گيوب جامه ي  زرين           آماده   اولوب   گئتمگه   ياريم   گئدير الدن

یار

یارین بیون قوجاقلادیم ، یار آغلادی من آغلادیم

ییغیشدی قونشولار بوتون ، جار آغلادی من آغلادیم

باشیندا قار قالان داغا ، دانیشدیم آیریلیق سؤزون

بیر آه چئکیب باشینداکی ، قار آغلادی من آغلادیم

طاریمدا نار آغاجلاری،منی گؤروب دانیشدیلار

بو یوموزیتون اوخشادی، نار آغلادی من آغلادیم

ائلئی کی اسدی بیر خزان،تالاندی گوللریم منیم

خبرچاتینجا بولبوله،خار آغلادی من آغلادیم

اورک سؤزون دئدیم تارا،سیملر اولدو پارا پارا

یاواش یاواش سیزیلدادی،تار آغلادی من آغلادیم

دئدیم کی حق منیمکیدی،باشیمی چئکدیلر دارا

طناب کسنده بوینومو،دارآغلادی من آغلادیم

جعفرییم؛بویوم بالا،غم سینهمده قالا قالا

یار جانیمی آلا آلا،یار آغلادی من آغلادیم

مجنون

مجنونون آدی ائیله که دیل ده‌ن دیله دوشدی

گوردی قالا بیلمیر داخی چول ده‌ن چوله دوشدی

بیر گول وار ایدی دوره چمنزار ایدی زیبا

آقشام چاغی گلدی او گوزه‌ل منزله دوشدی

گون باتدی غم آرتدی چولون آهولاری یاتدی

خول‌لار باشین اگدی او قده‌ر چلچله دوشدی

چرخین قارالان چهره‌سی کوکب‌له بزه‌ن‌دی

رخسار سیاهه ائله بیل آبله دوشدی

اسدی او بیابان ده بیر باد غم‌انگیز

غم‌لر بورویوب آتش عشقی دیله دوشدی

صبح اولدی چمن گولدی شتر زنگی چالیندی

گلدی گولون اطرافینه بیر قافله دوشدی

اگلشدی‌له باهم دئدی‌لر وای بو نه حال دی

نیلیم دئدی دوران دولانیب ایش بئله دوشدی

سوز دوندی دانیشدی بیری پول‌دان بیری مال‌دان

مجنونه آجیق گلدی بو سوزلر گله دوشدی

دوندی دئدی پول صحبتی عمری هدر ائیلر

اولدوزکی گوره‌رسوز پولوز ال ده‌ن اله دوشدی

بیر سوز دانیشون کی ایکی دنیالره دگسین

بیرکیم دئمه‌سین کی بو سوزوز نافله دوشدی

هر لحظه دانیشساز دانیشین لیلی سوزونده‌ن

گولشنده گوروم بولبولوم هانسی گوله دوشدی

هر گون باخارام عکسینه آئینه‌ی دل ده

صد حیف اولا مابین‌یمیزه فاصله دوشدی

عشّاق وطن جبهه‌ده غرق اولدی لا قانه

منعم وطن آواره سی چول ده‌ن چوله دوشدی

خلایقدن وفا اولماز

خلایقدن جفا گوردوم تماماً بی‌وفا گوردوم

وفاسیز آشنالردن عجائب ماجرا گوردوم

اولارکی لاف یک‌رنگی ووروب آخر دو رنگ اولدی

تمام عقربالر عقرب اولدی جان‌گزا گوردوم

کیمه بیل باغلادیم قطع اولدی امیدیم بلیم سیندی

فقط بیر آشنا عقرباده تک خدا گوردوم

فقط بیر تخم مرغی ساده و یکرنگ بیلمیشدیم

اونوندا کوینگین رد ایلدیم رنگین دو تا گوردوم

جهاندا قورخما دشمنن همیشه آشنادن قورخ

نه اینکه اشنانون حیله و مکرین خفا گوردوم

الونن اوپسه آلانما چکر آخر ایاقونن

سو اوپسه پای دیواره ییخیب ویران سرا گوردوم

زلیخا ایستمیردی یوسفی اوز نفسین ایستیردی

حامی اوز نفسینین محبوبیدور دنیانی لا گوردوم

صمیمیت محبت عشق بازی ایتده کاملدی

بو حیوانین وفاسین راه حقه آشنا گوردوم

یولداشلار

قبریمین اوسته گلنده رفقادان دانشون

سر قبریمده فقط مهرو وفادان دانشون

دمیرم قبریمین اوستوده تکون گوز یاشوزو

سالون هردم یادوزاآیری توشن قارداشوزی

یار گدیشی 2

باخدیم دالیسیجا یار گدنده

بیر یولدا ددیم باخار گدنده

باخدی قاپودان گچنده گولدی

بیلمیردی اورک اومار گدنده

باغلاندی دیلیم اورکدن اما

از قالدی چکم هاوار گدنده

گتمه گدیسن یاواش یاواش گد

جانیم بلیسن چیخار گدنده

دوندر گوزووی خومار خومار باخ

قویما منیده خومار گدنده

سنسیلیگه دوزمکیم چتیندی

گل جانیمی ال گوتار گدنده

سنن سورا عشقی نینیرم من

ال عشقیویده اپار گدنده