طبع گلمیر اورگین قانی آخیر دفتریمه
دایانیب ایندی قلم غملی باخیر دفتریمه
باشا دوشمور نه یازیر .هاردا گوروب کلمه لری ؟
هرنه قدری چالیشیر غصّه یاخیر دفتریمه
صید اولموش فره لر تک قفسیمدن دینیرم
گوئیا صید ائدن لرده یانیر دفتریمه
یازیرام هرنه اورگ منله دئییر کلمه لری
گر چی آرامیشین هر لحظه ساتیر دفتریمه
لوح و تندیس منیم شأنیمه گلمیر نه دئمک
بو هیاهوده گؤزوم یاشی چاتیر دفتریمه
شاعر : سلمان عبدی زاده
http://www.up.piratep.com/download6955.html
بیر اوشاغام، آنام ســـن ســــن
خسته اولسام، داوام سن سن
آغاج اولسام،هاوام ســــن سن
اورک ائــــویم سنســـیز تــــالان
آنا یوردوم، آذربایجان
باغلیدور میخــانه لر مندن شراب ایستـــور کونول
چوکــدی ظلمت هر طرفدن ماهتاب ایستــور کونول
اوت دا یانماخ درسینــــی پروانه لــــردن آلمــیشام
امتحان ایــــــلور منی هر دم جواب ایستور کونول
اوت دوتوب عشقونـــــده هردم ذره ذره یــانمیشام
ایندی خاموش اتمه گه بیر قطره آب ایستور کونول
بو آچیخ دنیـــــــا منه زندان تار و تنـــــگ اولــوب
ماجراسیــــن یازماغا لوح و کتاب ایستور کـــونول
بس کی چوخ گزدیم دولاندیم روح و جاندان خسته یم
غمدن آزاد اولمــــاقا بیر لحظه خواب ایستور کونول
ایستیــــــور غمدن جفـــادن یا کی هجران نان یازام
دوشمه گه دریای عشقه چوخ شتاب ایستور کونول
یاگرک ترک ایلیم معشوقه نی یاجان ومالیمدن گئچم
بیـــــــر یامان اوضاعده منن انتخاب ایستــــور کونول
دوشمییر صحرایه هرکس تا کــــــه مجنون اولماسا
صادقــــــــا غملی اورکـــدن انقلاب ایستـــور کونول
دردیمین درمــــــانی سنسن بیرده بیر زیبا غزل
چوخ غزللریازمیشام بیر شعرناب ایستورکونول
چوخ جفا چکــــــدیم فراقونده منه یار اولمادون
آفتـــــــابه پرده چکـــــدون آفتاب ایستور کونول
نازلي يار عشق اودونا بيرده آليشديم
يئنه جانان لا كوسوب قم له باريشديم
بيرده او دورنا گؤزون گؤرمگينه جانلا چاليشديم
يئنه ده قان لا قاريشديم
بیچاره گوزوم هرگجه سن سیز باخار آغلار
قان یاشیله اولدوزلاری بیر بیر سایار آغلار
سن آیریلیقی خوشلادون اما گجه گوندوز
دفترده قلم شرح فراقون یازار آغلار
اولا بیر حاکم عادل یی غا دیوانه لری
آچا زنجیر جفادان بوتون دیوانه لری
سالا جارچی بازارا آی سوون آلسین سوونی
اوندا قورخوم بودوکی هامی سووء من سوونی
نجه آواره گزیم گوشه میخانه لری
اوزومه همدم ادیم می دولی پیمانه لری
بیلیرم می ده منیمدردیمه درمان المز
اونی آلوده گورنده دلی دیوانه لری
بيرقوجاق گول باغلاديم گؤز يولدا قالديم گلمدین
عطريوي گاه درديييم گوللردن آلديم گلمدین
سن يوباندين انتظاردان سولدو بير بير گوللريم
تئز سولان گوللر كيمى سولدوم، سارالديم گلمدین
باغريما باسديم سازئ سنسيز دونن آخشام چاغئ
آغلاييب بيرآيريليق آهنگ چالديم گلمدین.
گئدیرم اؤزگه یارین شمعینه پروانه اولام
سئوگیمه لاییق اولان دیلبره دیوانه اولام
بیلمه دین قدریمی سن ، چوخلی منه ظولم ائله دین
گئدیرم ای داش اورک من سنه بیگانه اولام
عاقیلیدیم سنین عشقینده بئله من دلی اولدوم
یوخدی ایمکان کی دؤنوب بیر داحا فرزانه اولام
ایندی کی اوز چؤووروب طالع فرزانه لیغیم
گئدیرم من می ایچم ساکین میخانه اولام
منه لیلا گرک اولسون ، نه گوزل سئوملی یار
گئدیرم مجنونا تای عشقیده افسانه اولام
دئمه دیم بونلاری تا سن منه دوشمن اولاسان
بولگونن ایستییرم من کیمه جانانه اولام
ندن ساقی صفا اهلی غم دنیادن آیریلماز؟
گتیر دولدور گینه جامی بالیخ دریادن آیریلماز
غنیمتدیر بو دم ساقی گتیر دولدور گنه جامی
جهاندا رسمدور عاشق می و مینادن آیریلماز
گوزلـرون آخ نه گوزلديـر ، نه گوزل ، آي پاراسي
اوزی بیر دونیا بویاغ دیرگوزوون آغ ـ قـاراسي
بو نـه گوزياشدي كي طوفانلي ائديب گوزلرووي
جـانيمـا دوشسـون اگر گوزلـروون وار قاداسي
دامجـي دامجـي ييقيليـر خيردا گوزه ، من نه دئيم
دنـيـزه بـنـزيـيــر آمـا ايـكـي كيپـريـك آراسي
ائلـه اولـدوز كيمـي گوزيـاشي يئره توكمه گوزل
ائلـه اولـدوزلارا ديـمـز گونـشـيـن گوشواراسي
آغلامـا ، بيـر بئلـه گوزيـاش ائله مه ، آرخایین اول
قويمارام سئل لره دوشسون گئنه ده ائل ساراسي
یئنه غمخانه كيمين دير منه دونيا گئجه لر
سن كي يوخسان گؤره سن گؤزلري دريا گئجه لر
بير قارانلیق كوچه دير ، بير باجادير ، بيرده منم
كيم بيله ر درديميزي همشه، يلدا گئجه لر
گؤزليم گؤزلریني اولدوز ائله گؤزلريمه
بلكه اولسون يوخومون كابوسي ، رؤيا گئجه لر
سن گئدندن سورا بير بوغضدي ساليب درده مني
گوزياشيمدان ائله ديم دردي مداوا گئجه لر
اوره ك اولدي پارالي ، گؤزلريم اولدي يارالي
يارادا هريارايا ائتدي مدارا گئجه لر
من پلنگ لر كيمينيديم آيين اون دورد گئجه سي
آيي اوخشاتدي سنه ائتدي تماشا گئجه لر
سئوگي نين معناسيني گئزمه اوره کلرده کي من
ائتميشم صبحه قدر سئوگيني معنا گئجه لر
اوزوک کیمی ایتیرمیشم قاشیمی
تاپانميرام وفالي يولداشيمي
بولود قويور باشيني داغ چينينه
من قارا گون هارا قويوم باشيمي
ايسته ميرم ياريم گوروب اينجي يه
گيزله ديرم گوزومده گوزياشيمي
باشماق كيمين زيوار سيزام حيف اولا
تاپانميرام درديمه كفاشيمي
نقاش اولوب خيالينده چكيردير
اول دوداغ ، سونرادا گوز ـ قاشيمي
رنگي قوتولدي بوشلادي طرحيمي
گورمه ديم اوندان سورا نقاشيمي
مسافر اولدوم حيف اولا تانيش يوخ
ايق داليمدا پيشيره آشيمي
چالار نیسگیللی تار شاعیر
اونودماز الکه نین خلقیق
آییق گوزنن یاتار شاعیر
باخار گوزگی لره سونرا
سوروشار قان باتار شاعیر؟
اگر غم غصه لر قویسا
اوزاقلاره چاتار شاعیر
اوتای یوخدور ، بو تای یوخدور
سیلر مرزی - قاتار شاعیر
گئدیب گلمک ایچون شعردن
دوزلدر بیر قاطار شاعیر
